تراك ديسمبر MT3 - mix-music.net | +1 (518)553-5551 by Sm3nasha3by - سمعنا شعبي published on 2017-12-29T22:32:17Z كلمات التراك لسه فاكر أول مرة فيها شوفتك، و الطرحة البيضة اللي كنتي لافة بيها شعرك، و قد إيه مبسوطة إم تي واقف قدام وشك، بس كان لي أسباب خليتني مبسوط أكتر منك، زي إني.. عمري ما حسيت الإحساس ده أصلاً، أكون بضحك من قلبي عشان واحدة جاية تتصور!، طول طريقي بفكر.. مش ف الحفلة ف الوقفة، مين دي أوصلها إزاي أنا معرفش إسمها حتى، و كإني عارفك من سنة حفظت شكلك وقتها، شوفتك ملاك من غير جناحين و أحلف "دي نازلة من السما، دي.. دي فالتة ف الزمن" .. شوفتك كاملة فاهمة؟، و الطريقة اللي لقيتك بيها كانت صايعة فاكرة؟، أنا لسه فاكر.. و فاكر حاجات تانية، زي إزاي مشاعري زادت بدون تفكير بعقلانية، زي إزاي أنا كنت بسامح و أعدي حاجات مش عادية، زي إزاي مكنش باين إنك بتضحكي عليا، مكونتش.. متوقع.. عادي مشوفتش كويس، صحابي قالو "إنت بدماغك إزاي مقدرتش تميز"، بس الفكرة طول الفترة أنا مقصرتش لمرة، فمجاش ف بالي لو لحظة إنك ف يوم هتطلعي بره، فأنا.. مش مستوعب ده إنتي وعدتيني و قولتي، "أنا مش هسيبك طول عمري".. أنا مش لاقيكي دلوقتي، معرفش لإمتى هقرا الشات أصمه و أفضل فاتحه، أو ده الريكورد الكام اللي برضو.. مش باعته، جوايا كتير و لو مطلعش هتجنن، بسمع صوتك ف أي واحدة بتتكلم، مفتقد برودك اللي غلب ديسمبر، شايفك جميلة مهما عملتي مش هنكر، و برضو.. رغم إن فراقك كسر فيا، إتأكدي إني بدعيلك عادي ف كل صلاة ليا، إتأكدي إن مهما قابلتي محدش هيشوفك بعنيا، هيحبوكي عشان حورية.. فصعب يتقارنو بيا، و أنا هبقى كويس بدأت أزيف إبتسامتي، طول مانا قاعد وسط الناس عشان محدش يسألني، و لو حصل بقول "تمام" و أقلع القناع ده ف أوضتي، تضاد أصوات عقلي و قلبي و ذكرياتنا اللي ف مخي، بقيت أروح نفس الأماكن عشان بس كنتي، فيها ف يوم من الأيام و أقعد هناك لوحدي، و أحس روحك ف المكان و قولنا إيه هنا زمان، و كمان.. دموعي تهرب لما باجي أمشي، ده حتى النوم نسيت طعمه ده حتى اليوم مبيخلصش، أو.. بيخلص و أيامي شبه بعض معرفش، طول الوقت أنا جوا أوضتي قاعد لوحدي مبنطقش، بحاول ألاقي غلطة ليا و صعب عليا مفكرش، هل خذلتك مثلاً؟ هل قصرت ف حقك؟، يمكن مكونتش مهتم و طول الوقت سايبك، أسف سرحت غصب عني بقول عمايلك، هيداوي الوقت و من دلوقت أنا مسامحك، فبتمنالك السعادة مبعرفش أكره.. حتى، لو دي النهاية فكانت أحلى فترة، هفضل فاكر كل حاجة كل رسالة و ذكرى، و كل صورة.. متصورينها كانت فين و إمتى لينك بروفايل MT3 : https://www.facebook.com/mt3muzic/ -------------------------------------------------------------------------------- موقع مكس ميوزك لاستماع وتحميل الاغاني www.mix-music.net Comment by Abdullah Shehab ديسمبر 🤤✨ 2023-08-10T13:09:13Z Comment by Abdullah Shehab 🔥💔🔥 2023-05-07T08:24:36Z Comment by Mohamed Hesham مفتقد برودك اللي غلب ديسمبر 2022-07-20T14:07:15Z Comment by Mohamed Abas حصل 2021-10-18T21:15:59Z Comment by Ra Heem مخموخي ☹️ 2021-03-10T01:43:42Z Comment by Tara Raytshand جميل 2021-01-27T09:06:13Z Comment by Tara Raytshand ♥♥ 2021-01-27T09:05:37Z Comment by hussain 💔💔 2020-12-14T16:13:55Z Comment by Esraa Esraa 🖤🖤🖤 2020-12-04T20:21:48Z Comment by Mostafa Alkholy جمييل❤️❤️ 2020-07-17T19:01:59Z Comment by jana mosad بحب الأغنية دي اوي 2020-07-08T15:52:20Z Comment by Habiba Naser خد قلبي والله ❤❤ 2020-02-11T08:10:59Z Comment by Amani shair جميل ..❤ 2019-12-30T08:05:55Z Comment by لارآ محمد 👏🙄 2019-12-19T10:53:28Z Comment by menna mohammed loved🖤🔥 2019-12-01T22:07:53Z Comment by karim 7ashem 🔥🌖 love💛 2019-09-16T14:04:23Z Comment by Osama Marof تعرف تاخد قلبي 😍 2019-08-13T21:21:38Z Comment by Arwa Sherif 💙💙💙💙💙💙💙🍷 2019-06-16T17:32:57Z Comment by Sarahsoura ❤️❤️❤️ 2019-04-14T11:30:18Z Comment by محمدد سعيدد 3aaaaashh Neeeeeekkkkkkk Bgddd 2019-03-16T04:08:08Z Comment by Roro El Sawy 7#4:_7;3ownwbidksu😉😉😉 2019-01-31T08:18:14Z Comment by Rawan Hany تحفة❤️✨ 2018-12-09T21:05:38Z Comment by AYA ELNESHAWEy رووووووووووعه 😘😍😹😸😺😻😼💔💜💛💓💚❤💙💘💋💗💟💖👄💕💝👍👐👏👌✋👋☝ 2018-11-22T17:05:53Z Comment by شريف احمد علي التراك الجامد 2018-03-25T06:22:51Z