البنكنوت - مصطفى إبراهيم by Mostafa Ibrahim | مصطفى إبراهيم published on 2014-11-02T17:13:15Z هيحزّموك زي الجنيه ف الأستك هيسيبولك الفُتات و يبيعولك الأمل ف الإعلانات و الهجرة لبلاد البلاستيك و ف خطبة الجمعة عن الجنة و قُولِة استنى.. فات الكتير هانت خلاص لحد ما خيل الحكومة.. يدوسه عَجَل الميكروباص النظام العالمي بيقتل أوقات كتير .. من غير رصاص الهوا .. هيحَصّل المَيّة اللي بقت ماركات تعددية تعني.. تعدد الشركات حرية تعني حق فتح القفص .. على الناس اللي ملهاش باب الأخطبوط الرأسمالي اتساب على الناس اللي ملهاش حظ على الناس اللي ملهاش فرص حياتك مهمة لبياعين الحلم وفاتك مهمة لبياعين القُرَص حسابك حتى في قبرك مهم رخصة الجنة مهمة لبياعين الرُخَص و لبياعين الدين و لبياعين الآخرة اللي هتنصف المساكين "العالم بيتطوّر" يمشي إسم مسرحية.. أما الحقيقة المضحكة المُبكيّة.. العصاية اللي بتوقّف و بتدوّر.. بتمشي.. من إيد صحاب الجنة.. لصباع صحاب البندقية.. لجيوب صحاب البنك... دم الغلابة بيتحرق ف التانك... شامم ريحتهم و انتا بتفوّل... الغرب هيموّل.. إعمار ِبيار النفط.. لضمان زيادة منسوبات الشفط... و ضمان بقائك عبد متسوّل... يا زميل الكوكب المنكوب.. رَكب الحضارة ماشي بالمقلوب... يا زميل المنطقة المنكوبة... رَكب الحضارة كان لازم له ركوبة... العالم بيتطوّر... و انتا شمعة بتتحرق علشان .. برج التجارة ينوّر.. ..العصاية هي هي و شكلها بيتحول العالم بيتغوّل و انتا واقف ف وش الطيارات بالطوبة.. هتعيش حمار و تموت حمار... أخرك تحس بإنتصار لما... بتولّع الأعلام.. و تدوس على صورة إصحاب الدولار و القرار بالجزمة.. القناة ..في نشرة الأخبار.. هيقولوا عنك فوضوي و قاتل.. نفس القناة وقت اللزوم .. هتطلّعك مقتول و بتناضل.. فيه ناس كتيرة أكل عيشها الأزمة.. و ده عيبه.. إن هذا العالم صوته من جيبه. و مفيش حقيقة صعب تتأوّل.. و دي ناس تعرف تبيع الآه زي ما بتعرف تبيع اللأ الميديا بائع حق... متجول.. بشرى لابناء العالم التالت م العالم الأول بشري لابناء العالم الهمجي م العالم الإنسان العالم الحر اللي ما بيضربش ف المليان بس بيجوّع بلاد لحد الموت القاتل الشيك المحترف أبو طلق من غير صوت فيه الجيوش ما بقوش لابسين هدوم ميري و الطيارات ما بقتش بتوزع منشورات اليأس و البنوك مش هيسيبوك تتحبس ...بالعكس النهارده حاطط إعلانات ع التاكس علشان عليه أقساط بكره تتعلق على هدومك زي اللعيبة ف الماتشات عالم جديد هتخشه بمزاجك قبل ما نزُقّك الكهنة فيه لابسين بدل و كرافتات هيأكِّلوك الحقيقة بمعلقة ف بقك و كسر حُقّك ياللي مش عايز عالم ديمقراطي رأسمالي سعيد الشركة فيه اقوى من الاوطان غضبان ؟...أكيد غضبان مربوط ف ساقية و بتجري في مكانك مسجون و مش عارف وش سجّانك عايز تخبّط كوبايات الحبس ع القضبان لكن هتعمل إيه ...معذور أمريكا عملت سجن من غير سور أمريكا رابطة الناس ف بعضيهم أمريكا رابطة الناس و مربطّاك بيهم تدّن في مالطا قد ما هتدّن أمريكا هتفضل بتحب البشر جدا... و بتعمل جِميل فيهم.. فيها الخير يا هل ترى ولّا فيها فلوس؟ أمريكا فيها الحلم و بلادنا فيها كابوس الناس تخاف امريكا تحميهم الناس تجوع امريكا تديهم تِكسي بالإيد اليمين اللاجئين بعد ما إيديها الشمال تعرّيهم شركة بتهِدّ البلاد و شركة تبنيهم شركة بتبيع السلاح و شركة بتطبطب على اللي يموت العالم بيتقسّم دول العالم بيتقسّم بيوت العالم بيتقسم لبني آدم و لبنكنوت مكتوب على شهود البلاد الممسوحين بأستيكة أنتَ حر ما لم تضر أمريكا www.facebook.com/Mostfa.Ibrahim هندسة صوتية : رفيق عدلى One Take Studio Genre Poetry Comment by فَاطِمْ' نفس القناة.. وقت اللزوم هتطلّعك مقتول و بتناضل! 2023-11-02T13:51:55Z Comment by فَاطِمْ' القناة.. في نشرة الأخبار هيقولوا عنك فوضوي و قاتل. 2023-11-02T13:51:33Z Comment by فَاطِمْ' هتعيش حمار و تموت حمار! 2023-11-02T13:50:17Z Comment by فَاطِمْ' العالم بيتغوّل.. وأنتَ واقف في وش الطيارات بالطوبة! 2023-11-02T13:49:25Z Comment by فَاطِمْ' وأنتَ شمعة بتتحرق علشان .. برج التجارة ينوّر. 2023-11-02T13:48:52Z Comment by فَاطِمْ' يا زميل الكوكب المنكوب رَكب الحضارة ماشي بالمقلوب. 2023-11-02T13:48:16Z Comment by فَاطِمْ' دم الغلابة بيتحرق في التانك شامِم ريحتهُم وأنتَ بتفوِّل؟ 2023-11-02T13:47:28Z Comment by فَاطِمْ' من إيد صحاب الجنة.. لصباع صحاب البندقية.. لجيوب صحاب البنك! 2023-11-02T13:46:45Z Comment by فَاطِمْ' رخصة الجنة مهمة لبياعين الرُخَص، ولبياعين الدين، ولبياعين الآخرة اللي هتنصف المساكين. 2023-11-02T13:46:08Z Comment by فَاطِمْ' حسابك حتى في قبرك مهم. 2023-11-02T13:45:38Z Comment by فَاطِمْ' وفاتك مهمة لبياعين القُرَص. 2023-11-02T13:44:57Z Comment by فَاطِمْ' حياتك مهمة لبياعين الحلم. 2023-11-02T13:44:47Z Comment by فَاطِمْ' الهوا .. هيحَصّل المَيّة اللي بقت ماركات، تعددية تعني تعدد الشركات. 2023-11-02T13:44:03Z Comment by فَاطِمْ' النظام العالمي بيقتل أوقات كتير من غير رصاص. 2023-11-02T13:43:17Z Comment by فَاطِمْ' وفي خطبة الجمعة عن الجنة و قُولِة استنى.. فات الكتير هانت خلاص! 2023-11-02T13:42:14Z Comment by فَاطِمْ' هيسيبولك الفُتات، ويبيعولك الأمل في الإعلانات. 2023-11-02T13:41:36Z Comment by Hany bomahDy المبدع 2023-07-15T09:33:31Z Comment by Mohamed Wahba حياتك مهمة لبياعين الحلم. وفاتك مهمة لبياعين القرص 2023-06-08T18:38:00Z Comment by ahmed مكتوب علي شهود البلاد الممسوحين بأستيكه ، أنت حر ما لم تضر أمريكا 🤷🏻♂️❤️❤️ 2023-04-06T15:44:38Z Comment by Ȝbd Elrahman FarȜ'aly بقي علينا اقساط الاقساط يا مصطفي 🥲 2023-02-02T16:41:23Z Comment by Ȝbd Elrahman FarȜ'aly ابو طلق من غير صوت 2023-02-02T16:40:48Z Comment by ✨️✨️✨️✨️ اخرج برة الماتريكس 🕊 2022-04-16T05:52:48Z Comment by Muhâmmêd Elnwehy 22 مارس.. قصيده تحاكي الماضي والحاضر والمستقبل بعبقريه لا توصف. 2022-03-23T15:45:39Z Comment by Mahmoud Talaat 9 الجنيه اتفشخ تاني..21 مارس 2022...الاخطبوط الرأسمالي اتساب على الناس اللي ملهاش حظ.. على الناس اللي ملهاش فرص 2022-03-21T17:10:38Z Comment by Mahmoud emad و ده عيبه إن هذا العالم صوته من جيبه 2022-03-21T16:05:23Z Comment by Ahmed Bhr قلبي بيتكلم 2022-03-19T16:18:02Z Comment by Sakr دم الغلابة بيتحرق في التانك 2021-12-30T11:55:23Z