المانيفستو - مصطفى إبراهيم by Mostafa Ibrahim | مصطفى إبراهيم published on 2013-01-16T03:14:34Z -------------(م)-------------- ماسبيرو أخطر م الرصاص و القصر ملّى عنيك بالدم...قبل الطلوع قدام ما تسيبش جيشك تِقسمه الأعلام مش كل مين جنبك....جواه بيهتف مصر --------------(ا)--------------- الوقفة جنب النار ..بتقلل الدخان - إهتف هتاف إبن المكان و الظرف - إضرب بعزمك ... أو ما تضربشى إرجع بضهرك ... أو ما تهربشى إمسك عصاية ثورتك م الطرف التاريخ ضمن الغنايم ..و بيكتبه الكسبان --------------(ن)-------------- نقى دايما طوب صغير حدفتك توصل بعيد نفترق ساعة المطاردات ..أربعات نشّن الباراشوت ناحية الصف العريض نجرى فجأة.. نردّ فجأة.. نص قوتنا المفاجأة ندّم اللى يعورك........و إقطعله إيد --------------(ي)-------------- يؤتَى الحِذر من مكمنُه يأتِى الغبى باللص ثم يحلّفه يؤتَى الهتاف... رَّجاً بممن يَهتِفه - يؤتَى الجدع... قلبا بمما إتجَدعنُه --------------(ف)-------------- فّرق ما بين....الجرأة و القلب الحديد... و الرمى جوا التهلكة فتش بإيد ع المستفيد ..و بإيد عن الصاحب الجدع فتح اذا الناس غمضت....غمض إذا نظرك خدع فرّغ عياطك ع الصحاب... دم و خميرة... مش بكا --------------(س)-------------- سمى الحاجات دى بإسمها...الكدب... و الخوف... و الخيانة سجادة المسامير... تتحط ع الناصية ...غطّيها بالدخان ..ولّع قصادها كاوتش سد الطريق لورا علشان ما تترددش سيب باب لجيشهم يهربوا منه سلّم رايات الحلم لحد من سِنُّه سلّم قراركوا لأكتر كفّ عرقانة --------------(ت)-------------- تبّت يدا من ساب رفاق المعركة بطولهم تمن القضية اللى اندفع مبقاش يجوز يرجع تتعب تبص ف عين.. إصحابك الطايرة....شوف مين من الآخر دفع....لو زيهم... إدفع تلت الرصاص نحو العدو... .تلتينه للخاين..الطعنة جاية من هنا مش من هناك تعب النهاردة غير تعب بكرة....الوقت مش دايما معاك. تحتك فيه ناس عاوزة الأمل...مش عاوزه؟... سيبهولهم --------------( و )-------------- وسّع الجبهة لو إنتوا كتير... و .ضّيقها لو إنتوا أقل ولع شماريخ وسطكوا اول ما تلقى الرتم قل وقّع لمض كل العواميد اللى كاشفة ناحيتك وّدى الإعاشة قبل ما تدوق لقمتك وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا وزع عيونك فوق و تحت....و خاف من اللى يصورك وطّى و عينك باصّة فوق ع الطوب و إلا يعوّرك وقّف إذا سحبوك على شارع طويل وفّر بديل وافق على الهدنة إذا سحبوا الكلاب...لو سابوا خليك انتا آخر حد ساب واحد بيفرق ف العدد جدا - و عشان كده.... أول ما تلقى إن الصفوف ناقصاك - وسع مكانك... للى جاى وراك https://www.facebook.com/Mostfa.Ibrahim موسيقى و هندسة صوتية : رفيق عدلى تم التسجيل بأستوديو بداية شكر خاص لأحمد العايدى Genre Poetry Comment by Hajer Morsy سد الطريق لورا عشان متترددش 24/4/2024 2024-04-24T02:10:47Z Comment by Mohamed Atef لو سابو خليك آخر حد ساب .. 2024-04-09T22:01:23Z Comment by abdelkareem Magdi ٣٠ مارس ٢٠٢٤ لسه فيه اللي فاكر الثورة ولسه الفرص موجوده لاستكمالعا 2024-03-30T01:49:56Z Comment by Loqman Khaled بسمعها ف ال2024 2024-03-08T03:46:24Z Comment by Al Hussien 6 مارس 2024 2024-03-06T16:33:06Z Comment by ســارَّة'🇵🇸 وقت الثورة كنت صغيرة اوي غير مدركة لما يحدث،دلوقتي استوعبت اللي حصل "الى حد ما" و بسمع القصيدة كتير من كتير .. ع أمل ان يجي الوقت اللي احس مشاعرك ف القصيدة لاني عشتها .. 2024-02-11T13:13:19Z Comment by May ١٣ سنة 2024-01-29T00:22:40Z Comment by MaGi_MeGa 25/January/2024 #لساها_ثورة 2024-01-25T18:27:14Z Comment by Mado Hatem Mohamed ٢٥ يناير ٢٠٢٤ 2024-01-25T13:33:35Z Comment by محمد إمام 25 يناير 2024 2024-01-25T10:53:31Z Comment by shady mhmd الجمعة 5 يناير 2024 2024-01-05T09:47:58Z Comment by sara hamed 26 عظيمة 2023-12-19T17:49:22Z Comment by Lamya Aly 🤍🤍 2023-12-10T17:59:27Z Comment by Mohamed 2/12/2023 2023-12-02T09:14:42Z Comment by هاجر عبدالحافظ الحسيني لو سابوا خليك انت آخر حد ساب. 2023-11-27T00:58:46Z Comment by Nourhan Ahmed 39 ابعتوها لأهل غزة .. احنا مبقاش فينا رجا 2023-11-26T22:43:47Z Comment by zaghl0ll ٢٠ نوفمبر ٢٠٢٣ 2023-11-20T04:20:03Z Comment by Freyja فاكرة شعوري أول مرة قرأت الديوان كان رائع 2023-11-11T15:50:45Z Comment by Youssef El-Daly 2023-11-5 2023-11-04T21:26:09Z Comment by Mostafa Napil وقف اذا سحبوك علي شارع طويل .. وفر بديل 2023-10-25T05:11:21Z Comment by Ali Ahmed حدفتك توصل بعيد 2023-10-15T16:31:23Z Comment by محمد اللورد الطعنه بتيجي من هنا مش من هناك 2023-09-22T11:58:24Z Comment by Zaynab. تبت يدى من ساب رفاق المعركة بطولهم. 2023-09-09T05:53:19Z Comment by Mohamed Ashraf يأتى الغبى باللص ثم يحلفه 2023-09-02T21:43:17Z Comment by Mohanad Gamal Ensan تتعب تبص في وشوش صحابك الطايرة، شوف مين من الآخر دفع، لو زيهم ادفع.. 2023-08-28T21:12:51Z Comment by Elhassan_Adel وكتبه الكسبان 2023-08-07T04:34:26Z Comment by Omar Yaheia جواه بيهتف مصر 2023-08-03T07:49:45Z Comment by هد ير 🌿 التاريخ ضمن الغنايم بيكتبه الكسبان 2023-07-26T12:26:22Z Comment by Mohammed Saeed 88 مش كل مين جمبك .. جواه بيهتف مصر 2023-07-11T04:21:31Z