مليون قصيدة ( امريكا قالت ) - علي الهلباوي by Ali Elhelbawy published on 2013-03-27T16:37:14Z الكلمات : أمريكا قالت ياعرب العلم قال إن السما من غير عمود إحنا العرب قولنا دى حكمة ربنا أمريكا قالت ياعرب العلم قال الكون مابيحدوش حدود إحنا العرب قولنا دى قدرة ربنا أمريكا قالت ياعرب القدس من حق اليهود إحنا العرب قولنا يبارك ربنا مليون قصيدة ياعرب مليت خلاص من دى القصايد والخطب مليون قصيدة ياعرب والقدس أهى محبوسة فى أوضة يهودى بتغتصب وانتوا اخواتها وبكره ييجى الدور عليكوا وهتدخلوا اوضة اليهودى اللى بناها بجبنكم من غير حيطان مليون قصيدة ياعرب كان نفسها تتقال فى يوم الانتصار كان نفسها تهرب من الليل للنهار كان نفسها وكان نفسها لكن كسرتم نفسها ميتى تفوقوا ياعرب ؟ لفيت قوموا يافرسان العرب للمعركة اللى يقولى مسكونى سيف عمر وأنا ضرورى هنتصر ياسيف عمر قولى إيه السر فيك حدادك اللى صنعك ركب زرار النصر فيك خليك تحارب تنتصر حتى لو فى إيدين جبان واللى يقولى ركبونى حصان صلاح هتلاقوا عصر الظلم راح ياحصان صلاح ماتقولى ايه خلاك بطل كانت وكلتك وكلة ميتين من الاحصنة ولا براسين ولا تلاجيك بعشر رجول تدخل المعركة وبتنتصر حتى لو كان اللى راكبك حاضن الخمرة بين شفايفه المعجزة مش فى الحصان ولا عمرها كانت فى سيف بالمناسبة قبل ماخلص كلام أمريكا باعتالكم سلام بتقولكم متشكرين لولاكم انتوا ياعرب ماكانتش ليا منزلة بين الأمم انتوا اللى وطيتم عشان نركب على أكتافكم سنين وعشان كده بنقولكم من قلبنا متشكرين وعشان كده هوصى اسرائيل عليكم عشان تبطل ضرب فيكم يا اسرائيل يابنيتى اطمنى مافيش سلام لكن بلاش الضرب فى بلاد العرب ده مش عشان انتى رحيمة وطيبة يابنيتى لكن عشان الضرب فى الميت حرام Genre علي الهلباوي Comment by Mahmoud Hadota العرب حكامهم خونه 2024-02-25T11:32:36Z Comment by أحمد جمال الغنام. مفيش سلام 2023 2023-11-12T01:28:12Z Comment by أحمد جمال الغنام. الضرب ف الميت حرااااااام 2023💔 2023-11-12T01:17:48Z Comment by أحمد جمال الغنام. مفيش سلام 2023 2023-11-12T01:17:03Z Comment by أحمد جمال الغنام. 2023 بعد تهجير اخواتنا ومقاومه كتائب القسام 2023-11-12T01:15:06Z Comment by أحمد جمال الغنام. 2023 2023-11-12T01:13:34Z Comment by RE Sha اول مره احس الاغنيه المرادي 2023-11-11T02:20:42Z Comment by Medo Romuo امريكا جالت يا عرب القدس من حج اليهود احنا جولنا يبارك ربنا 😭💔 2023-01-05T22:32:09Z Comment by محمد عادل الهلباوى صح لسانك ❤️ ياولد عمي ❤️ 2022-12-08T16:51:07Z Comment by تامر روعه 2022-05-17T01:05:39Z Comment by Bassem M. Rizk 🕊️ 2022-05-16T12:25:25Z Comment by Boyka الزعاااااامه 2021-05-02T14:31:43Z Comment by اسامه الحاوي ايه العظمه دي 2021-04-11T14:56:35Z Comment by Muhammad محمد اللهم ارزقنا صلاة في المسجد الأقصى 2020-12-22T01:49:38Z Comment by Ahmed Salah جميل جدا 2020-02-14T19:28:24Z Comment by Ahmed Saleh للأسف صح 2019-12-22T05:55:19Z Comment by Geo Amin Diab ياعرب ،، و ينهم العرب 2019-11-11T17:37:38Z Comment by العالمي الله روعه 2019-10-21T22:12:35Z Comment by ٲﺂٖلعٲﺂٖلمي حلوه اوووي 2019-10-21T16:42:19Z Comment by مصطفى شعبان مليون قصيدة يا عرب مليت خلاص من دي القصايد والخطب 2019-10-14T08:44:12Z Comment by Zezo Said جميلة جدا 2019-07-16T23:29:30Z Comment by sh تحفة تجنن 2019-06-06T20:23:35Z Comment by ᎯᏁᎯᎥᏁᏁ ᎯᏁᎯᎥᏁᏁ الله على الجمال 2019-05-15T12:15:38Z Comment by marwan مليون قصيده ياعرب 2018-11-11T01:55:36Z Comment by محمد صلاح ابو حسن مليووون 2017-01-25T14:19:45Z Comment by mohamed Donkol تحفه 2016-11-02T07:42:59Z Comment by mohamed wagdy القدس من حق اليهود 2016-08-10T12:30:00Z Comment by Hossam Elkhameesy احنا العرب فين الاحساس اصلا 2016-03-22T13:56:46Z Comment by Aliaa .N. الضرب ف الميت حرام :( 2016-02-24T10:19:21Z